Son sutka ərzində Tayvan silahlı qüvvələri adaya 29 təyyarə və üç Çin gəmisinin yaxınlaşmasını qeydə alıb.

Məlumatına görə, bir J-11 qırıcısı, iki Y-8 nəqliyyat təyyarəsi və 18 H-6 strateji bombardmançı təyyarəsi adanın hava hücumundan müdafiə identifikasiya zonasına daxil olub. Buna cavab olaraq Tayvan hava və dəniz patrulları göndərdi və həmçinin quruda yerləşən raket sistemlərini yerləşdirdi.

Tayvan ətrafında vəziyyət ABŞ Konqresinin Nümayəndələr Palatasının sədri Nensi Pelosinin avqustun əvvəlində baş tutan səfərindən sonra xeyli gərginləşib. Çin bu səfəri Tayvan separatizminə dəstək kimi qiymətləndirib və buna cavab olaraq irimiqyaslı hərbi təlimlər keçirib, RİA Novosti xatırladır.

Dekabrın əvvəlində ABŞ dövlət katibinin birinci müavini Vendi Şerman bildirmişdi ki, Vaşinqton Çinin Tayvana qarşı hərbi əməliyyatlara başlaya biləcəyi "potensial ehtimalı" qəbul edir.