Rusiya Soçi şəhərində 23 yaşlı polis müstəntiqinin intiharı ilə bağlı araşdırma hələ də nəticəsiz qalıb.

Lent.az yerli mediaya istinadla bildirir ki, Xostinski rayonu polis şöbəsinin əməkdaşı Mariya Kloçkova 2019-cu il noyabrın 23-də xidməti otağında ölü tapılıb. Onun meyitinin yanında xidməti tapança aşkar edilib.

Müstəntiq yarımçıq qalmış vida məktubu qoyub, lakin orada öz ölümündə konkret heç kəsi günahlandırmayıb. Ölümündən yeddi həftə əvvəl Mariya şöbəsinin əməliyyatçılarından biri ilə intim əlaqədən sonra güclü qanaxma səbəbindən xəstəxanaya düşmüşdü.

İstintaq orqanları Rusiya Cinayət Məcəlləsinin 110-cu maddəsi (“İntihara çatdırma”) üzrə cinayət işi açıb.

Qurumun məlumatında qeyd olunur ki, baş verənlərin bütün halları istintaq tərəfindən tam müəyyən edilməyib. İş hələ də araşdırılır.

İstintaqın 6 ili ərzində iş “ölü nöqtədən” tərpənməyib. Kloçkovanın qohumları isə hələ də müstəntiqlərin hərəkətsizliyindən şikayətlənirlər.