Ukrayna Prezidenti Volodimir Zelenski ilə ABŞ Nümayəndələr Palatasının spikeri Kevin Makkarti arasında telefon danışığı zamanı Kiyevin silah və hərbi texnika ehtiyacları barədə müzakirələr aparılıb.

"Report" bu barədə "RBC-Ukraina"ya istinadən xəbər verir.

Söhbət zamanı Zelenski Makkartiyə hərbi əməliyyatların gedişi, Ukraynanın zirehli texnika, uzaqmənzilli artilleriya, hava hücumundan müdafiə və aviasiyaya təcili ehtiyacları barədə məlumat verib.

"Biz Rusiyaya qarşı sanksiyaların gücləndirilməsi, Rusiya nefti və qazının qiymətinin aşağı salınması zərurətini müzakirə etdik. Mən Kevin Makkartini Ukraynaya səfərə dəvət etdim", - Ukrayna lideri vurğulayıb.

Xatırladaq ki, daha əvvəl bir qrup respublikaçı konqresmen ABŞ Konqresinin Nümayəndələr Palatasına Ukraynaya hərbi yardımı dayandırmağa çağıran qətnamə təqdim etmişdi.