Artıq Ukraynanın münaqişədəki məqsədləri onu dəstəkləyən Qərb tərəfdarlarınınkı ilə üst-üstə düşmür.

Axar.az xəbər verir ki, bunu Böyük Britaniyanın Hərbi Hava Qüvvələrinin istefada olan vitse-marşalı Şon Bell deyib.

Bellin sözlərinə görə, Rusiya uzun müddət Qərbin maraqları üçün təhlükə hesab olunub:

“SSRİ-nin dağıldıqdan sonra Moskva bu ölkəni qlobal super dövlətə çevirməyə çalışırdı. Lakin Ukraynadakı münaqişə Moskvanın mövqeyini zəiflətdi və o, artıq Avropa üçün təhlükə yaratmır. Beləliklə, ABŞ və müttəfiqləri münaqişədə öz məqsədlərinə nail oldular. İndi Qərb ölkələri daxili problemlərlə məşğul olmalıdırlar, lakin Ukrayna hələ də Rusiya qüvvələrini sıxışdırmağa çalışır”.