ABŞ Nümayəndələr Palatasında partiyadaxili səsvermədə Respublikaçılar çoxluq lideri Stiv Skalizi spikerliyə namizəd seçiblər. Səsvermə iki saat bağlı qapılar arxasında keçirilən məşvərətin ardınca baş tutub.

Gizli səsvermədə Skaliz 113 səs toplayıb. Palatanın Ədliyyə Komitəsinin sədri Cim Cordan isə 99 səs qazanıb.

Səsvermə sabiq spiker Kevin Makkarti misli görünməmiş gedişatla spikerlikdən uzaqlaşdırıldıqdan sonraya təsadüf edir.

3 oktaybrda səkkiz Respublikaçı Demokratlara qoşularaq onu vəzifədən uzaqlaşdırmasına müyəssər olmuşdu.

ABŞ tarixində ilk dəfə idi Nümayəndələr Palatasının spikeri səsvermə yolu ilə vəzifədən kənarlaşdırılmışdı.

Skaliz spiker seçilmək üçün hələ ki, kifayət qədər dəstəyə malik deyil və onunla Cim Cordan arasında rəqabətin necə nəticələnəcəyi sual olaraq qalır.

Spiker olmaq üçün Skalizdən Nümayəndələr Palatasındakı ümumi səsvermədə 217 səs toplamaq tələb olunur.
amerikanın sesi