Böyük Britaniya iqtisadiyyatı iyul-sentyabr ayları arasında 0,1% daralıb. Bunu Böyük Britaniyanın Milli Statistika İdarəsinin (ONS) açıqladığı hesabat sübut edir.

Bu rəqəm ölkənin ÜDM-in 0,2% artacağını proqnozlaşdıran ekspertlərin gözləntilərindən də pis olub.

İkinci rübün nəticələri də pisləşdi. Statistika agentliyinin yeni məlumatlarına görə, ÜDM aprel-iyun aylarında artmayıb (əvvəllər elan edilmiş 0,2% artım əvəzinə). Beləliklə, ölkə iqtisadiyyatı texniki tənəzzül ərəfəsindədir – iki rüb ardıcıl olaraq azalma qeydə alınıb.