Ukraynada 17 yaşından universal hərbi hazırlıq tətbiq edilə bilər.

Bizim.Media xəbər verir ki, bu barədə Ali Radanın deputatı Vadim İvçenko məlumat yayıb.

"17 yaşdan 20 yaşa qədər olan gənclərə icbari hərbi hazırlıq tətbiq olunacaq. Yəni müəyyən atıcılıq kursları, müəyyən bədən tərbiyəsi kursları, nəzəriyyə kursları və s. keçiriləcək", - deyə deputat bildirib.

İvçenko bu təlimin təhsil müəssisələrində keçirilib-keçirilməyəcəyini dəqiqləşdirməyib, lakin bildirib ki, onun nəticələrinə görə vətəndaşlar səngər qaza və silahlardan istifadəni mənimsəyəcəklər.