Almaniyada faşist rejimi dövründə vətəndaşlıqları əllərindən alınan və İngiltərəyə üz tutan yəhudilər yenidən alman vətəndaşlığına qayıtmaq istəyirlər.

Teleqraf.com xarici mediaya istinadən bildirir ki, İngiltərədə yaşayan yüzlərlə yəhudi “Breksit”dən sonra Almaniya vətəndaşlığına keçmək üçün müraciət edib.

Londonda yerləşən Almaniya səfirliyinə son 7 həftə ərzində 400-ə yaxın müraciət olub. Yəhudi mühacirlər “Breksit”dən sonra İngiltərədə durumun pisləşdiyini, irqçiliyin gücləndiyini iddia edirlər.

Almaniya konstitusiyası ölkə vətəndaşı olmuş yəhudilərin yenidən pasport almaq hüququnu tanıyır.