Qeyri-hökumət təşkilatlarına (QHT) ayrılan xarici maliyyənin 90%-dən çoxu faktiki olaraq ölkədə kəşfiyyat şəbəkələrinin inkişafına sərf olunur.

İqtisadiyyat.az xəbər verir ki, bunu Hakim "Gürcü Arzusu - Demokratik Gürcüstan" partiyasının baş katibi, Tbilisi meri Kaxa Kaladze bildirib.

"Son bir neçə həftə bir daha təsdiqlədi ki, QHT-lərə ayrılan pulun 90%-dən çoxu Gürcüstanda agent fəaliyyətləri gücləndirməyə xidmət edir. Bütün QHT-lər lazım olanda dərhal mitinqlərə aparıldı və milli maraqlara qarşı çıxdı", - Kaladze hakim partiyanın təşəbbüslərini, o cümlədən xarici agentlər haqqında qanunun qəbulunu dəstəkləyən mitinqdə deyib.

Bazar ertəsi Tbilisidə, Rustaveli prospektində parlament binası yaxınlığında hakim partiya öz təşəbbüslərinə dəstək aksiyası keçirib.