ABŞ-ın Azərbaycandakı səfiri Robert Sekuta İsmayıllı rayonunda təşkil olunan Qızların Liderlik Təşəbbüsü düşərgəsini ziyarət edib.

Virtualaz.org bildirir ki, ABŞ səfirliyinin facebook səhifəsində yaydığı məlumata görə, bir həftəlik yay düşərgəsi çərçivəsində 7 rayondan (Şəmkir, Ağcabədi, Bərdə, Mingəçevir, Oğuz, Balakən və Zaqatala) olan 8-10-cu siniflərdən 20 qız şagird və yerli müəllimlər bir araya gəlib.

Düşərgənin təşkilində məqsədi Azərbaycanın rayonlarında yaşayan gənc qadınların hüquqi maarifləndirilməsi, vətəndaş məsuliyyəti, cinsi bərabərliklə bağlı mövzular ətrafında fikir mübadiləsi aparmaq olub.