Şimali Koreyanın nüvə silahı tətbiq etməsinin nəticələri Suriya konfliktindən daha ağrılı ola bilər.

Axar.az xəbər verir ki, bunu jurnalistlərə açıqlamasında BMT Baş katibi Pan Gi Mun söyləyib.

Onun sözlərinə görə, Koreya yarımadasında gərginliyin azaldılması dünyadakı ən ciddi problemlərdən biridir:

“Şimali Koreyada başlanacaq hər hansı konflikt Suriya və Cənubi Sudan böhranlarından daha dəhşətli olacaq. Hazırda biz nüvə silahı, ballistik raketləri olan və addımlarını müəyyənləşdirməyin mümkün olmadığı rejimlə qarşı-qarşıyayıq”.