İsrail ordusu Qəzza zolağının cənubundakı Xan Yunis və anklavın mərkəzi hissəsindəki Deyr əl-Bələh şəhərlərində əməliyyat ərazilərini genişləndirib.

Bu barədə ordunun mətbuat xidməti məlumat yayıb.

"Bu ərazilərdə qoşunlar quruda və yeraltında terrorçuları və terrorçuların döyüş komplekslərini məhv edir", - ordunun mətbuat xidməti qeyd edib.

Hərbçilər əlavə ediblər ki, bu komplekslərdən birində onlarla raket buraxılış qurğusu və bir neçə tank əleyhinə raket aşkar edilib.

Bundan əlavə, bu ərazidə qoşunlar təxminən 1,5 km uzunluğunda yeraltı tunel aşkar edərək məhv ediblər.