Polşanın keçmiş prezidenti Aleksandr Kvasnevski (1995-2005) prezident təqaüdünün az olmasından və əlavə pul qazanmaq məcburiyyətində olduğundan şikayətlənib.

Gununsesi.info xəbər verir ki, bu barədə gazeta.pl-a Kvasnevskinin özü məlumat verib.

“Hazırda bu təxminən 12 min zlotı (təxminən 3117 dollar) təşkil edir. Bunun da təbii ki, vergiləri ödənilməlidir. Bunlar elə məbləğlər deyil – mənim böyük ailəm var – bu kifayət deyil. Ona görə də əlavə pul qazanmaq lazımdır”– deyə Kvasnevski bildirib.

Sabiq dövlət başçısı əlavə edib ki, o, təkcə maddi səbəblərə görə yarımştat işləyir.

Qeyd edək ki, ilin yanvarında 1990-1995-ci illərdə prezident vəzifəsində çalışmış Nobel Sülh Mükafatı laureatı Lex Valesa maddi sıxıntılarından şikayətlənib.