ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp Taylor Swiftin süni intellektin yaratdığı fotosunu və görüntülərini paylaşaraq, məşhur müğənninin və pərəstişkarlarının dəstəyini aldığını iddia edib. Swift öncə məsələ ilə bağlı açıqlama vermirdi.

Gununsesi.info “CCN”-ə istinadən xəbər verir ki, Tramp özünün “Truth Social” hesabında Taylor Swift və onun pərəstişkarları haqqında paylaşım edib. Tramp Swiftlə süni intellektin yaratdığı fotonu “Qəbul edirəm” ifadəsi ilə paylaşıb.

Digər fotolarda Swift pərəstişkarları “Swifties for Trump” köynəklərində görünüb.

Bundan əlavə, başqa bir posterdə Swiftin barmağını uzadaraq “Taylor Trampa səs verməyini istəyir” dediyi göstərilir. Tramp bu yazıya “Qəbul edirəm!” cavabını verib və sosial mediada paylaşaraq diqqət çəkib.

Bu paylaşım Trampı dezinformasiya yaymaqda ittiham edən “Swifties” kimi tanınan Swift fanatlarının mənfi reaksiyasına səbəb olub.

Trampın postundan sonra, nəhayət Taylor Swift susqunluğunu pozub. Swift-ə yaxın mənbələr müğənninin onun ağlını itirdiyinə inandığını iddia edir. Müğənni Trampı dəstəkləməyəcəyini və ona səs verməyəcəyini bildirib.

Trampın paylaşımındakı görüntülərin əksəriyyəti süni intellektlə yaradılsa da, Swiftlər arasında Trampı dəstəkləyənlər də olub.