ABŞ-ın vitse-prezidenti Kamala Harris prezident seçkilərində qalib gələcəyi təqdirdə dünyanın ən güclü ordusunu yaratmağa söz verib.

Bu barədə o, Demokratların Çikaqoda keçirilən Milli Qurultayında "The New York Times" tərəfindən yayımlanan çıxışı zamanı bildirib.

"Baş komandan olaraq mən Amerikanın həmişə dünyanın ən güclü, ən ölümcül ordusuna sahib olmasını təmin edəcəyəm", - Harris Demokratlar Partiyasından prezidentliyə namizəd olmağa razılaşdığı tədbirdə deyib.

Prezidentliyə namizəd həmçinin İsrail, Ukrayna və NATO müttəfiqlərini dəstəkləyəcəyini vəd edib .

Harris Respublikaçı rəqibi Donald Trampı Amerika demokratiyası üçün ciddi təhlükə yaradan “ciddi adam” adlandırıb.
publika.az