Bişkekdə Çin səfirliyi qarşısında baş verən teraktı Tacikistan, Çin və Rusiya vətəndaşları təşkil ediblər.

Axar.az xəbər verir ki, bunu jurnalistlərə açıqlamasında Federal Təhlükəsizlik Xidmətinin direktor müavini, ordu generalı Sergey Smirnov söyləyib.

Onun sözlərinə görə, bu teraktın təşkilatçılarının müəyyən edilməsi üçün Şanxay Əməkdaşlıq Təşkilatına üzv ölkələrinin xüsusi xidmət orqanları ilə iş aparılır.

Qeyd edək ki, bundan öncə Çinin Qırğızıstandakı səfirliyi önündə partlayış baş verib. Partlayış nəticəsində 1 nəfər həlak olub, üç nəfər yaralanıb.