Fransanın Xarici işlər naziri Jan-Noel Barro bəyan edib ki, İsrailin Baş Naziri Benyamin Netanyahu Beynəlxalq Cinayət Məhkəməsinin (BCM) həbs qərarına baxmayaraq, toxunulmazlıqdan istifadə edir.
İsrail BCM-yə üzv olmadığı üçün Fransa Netanyahu və keçmiş müdafiə naziri Yoav Qallantı həbs etməyəcək.
Bu barədə "The Times of Israel" nəşri yazıb.

"Bir dövlət beynəlxalq hüquq üzrə öhdəlikləri ilə uyğun gəlməyən hərəkətləri üçün məsuliyyətə cəlb edilə bilməz. Bu toxunulmazlıqlar Baş Nazir Netanyahu və digər nazirlərə də şamil edilir və BCM onları həbs edib təhvil verməyimizi istəsə, nəzərə alınmalıdır" - deyə Jan-Noel Barro vurğulayıb.

Nazir qeyd edib ki, məsələ yalnız Netanyahu ilə məhdudlaşmır, eyni zamanda keçmiş müdafiə naziri Yoav Qallanta da aiddir.

Qeyd edək ki, 21 noyabr 2024-cü ildə BCM Netanyahu və Yoav Qallanta qarşı həbs qərarı çıxarıb. Onlar, xüsusilə 8 oktyabr 2023-cü ildən 20 may 2024-cü ilə qədər baş verən hadisələr zamanı, insanlıq əleyhinə cinayətlərdə və müharibə cinayətlərində ittiham edilirlər.