Bu ilin aprelində NASA alimi Qrenlandiyanın buzları altında soyuq müharibə dövründən qalma hərbi baza aşkar edib.
Bizimyol.info xəbər verir ki, bu barədə bazar ertəsi NASA məlumat yayıb.

Bir neçə ay əvvəl alim Çad Qrin mühəndislərlə birlikdə Qrenlandiya buz təbəqəsində radar alətinin işini izləmək üçün "Gulfstream III" gəmisində uçmuşdu. Qrin Şimali Qrenlandiyanın üzərində uçarkən təyyarənin pəncərəsindən buz təbəqəsinin şəklini çəkə bilib. Bu görüntü buzun altında basdırılmış bir şeyi ortaya çıxardı.

NASA-nın Reaktiv Hərəkət Laboratoriyasından (JPL) Aleks Qardner: “Biz buz təbəqəsi axtarırdıq və “Camp Century” çıxdı. Əvvəlcə bunun nə olduğunu bilmədik”, - deyə qeyd edib.

“Camp Century”, "buz altındakı şəhər" Soyuq Müharibə zamanı diqqətəlayiq bir yerdir. Hərbi baza 1959-cu ildə ABŞ Ordusu Mühəndislər Korpusu tərəfindən tikilib. Bu buz qatında tunellər şəbəkəsi yaradılıb, lakin baza 1967-ci ildə tərk edilib və o, qar təbəqələri altında gizli qalıb. Obyekt hazırda səthdən 30 metr aşağıda yerləşir.

Alimlər radiodalğalar göndərərək və onların əks olunma vaxtını yoxlayaraq buzun səthinin xəritəsini tərtib etmək üçün radardan istifadə ediblər. Əvvəlki hava tədqiqatları “Camp Century”nin buzun altında mövcudluğuna dair bəzi sübutlar tapsa da, aprel uçuşları bu vəzifəyə daha uyğun idi.

Müasir “Camp Century” təyyarələri daha həcmli xəritələr yaratmağa imkan verən UAVSAR (Unhabited Aerial Vehicle Synthetic Aperture Radar) sistemi ilə təchiz edilib.