İran dövlət televiziyası bildirib ki, İranın ali dini lideri Ayətullah Əli Xameneyi şənbə günü Tehranda HƏMAS liderinin müavini Xəlil əl-Həyya və Fələstin qrupunun digər iki lideri ilə görüşüb.

Ölkəsinin İsraillə müharibədə HƏMAS-ı dəstəkləyən Xameneyi fələstinli nümayəndə heyətinə deyib: “Siz sionist rejimi (İsrail) məğlub etdiniz, bu, əslində Amerikanın məğlubiyyəti idi. Siz onlara heç bir məqsədə çatmağa imkan vermədiniz”.

İran televiziyasının məlumatına görə, fələstinlilərin nümayəndə heyətinin 1979-cu il İran inqilabının ildönümü münasibətilə Xameneyini təbrik etmək üçün Tehranda olduğunu və İranın davamlı dəstəyinə görə minnətdarlıqlarını bildiriblər.

HƏMAS-ın liderlik şurasının rəhbəri Məhəmməd Dərviş və HƏMAS-ın yüksək səviyyəli rəsmisi Nizar Avadallahın da daxil olduğu nümayəndə heyəti Xamneyiyə Qəzza və İordan çayının qərb sahilindəki hazırkı vəziyyət və “qazanılan qələbələr və nailiyyətlər” haqqında hesabat təqdim edib.

İran mediasının məlumatına görə, Xameneyi ABŞ-ın İrana qarşı təhdidlərinin “İran xalqına heç bir təsiri olmadığını” deyib.