Ötən ay ABŞ-də yumurta qiymətləri əvvəlki ayla müqayisədə 15,2% bahalaşıb.
Bu barədə "MarketWatch" saytı məlumat yayıb.

Beləliklə, yumurtanın qiyməti 2015-ci ilin iyun ayından bəri ən yüksək səviyyəyə çatıb.

2024-cü ilin yanvar ayı ilə müqayisədə yumurta qiymətləri quş qripinin ölkə üzrə yayılması fonunda 53% artıb.

Bəzi ərzaq mağazaları müştərinin ala biləcəyi yumurta sayına məhdudiyyətlər qoymağa başlayıb.

Məlumata görə, 12 ədəd yumurtanın topdansatış qiyməti keçən həftə 7,34 dollar təşkil edib ki, bu da ötən ilki səviyyədən üç dəfə çoxdur.