Kanada Rusiyanın bu birliyə qayıtmasına “yox” dedi
19-02-2025, 12:34
Kanada Rusiyanın G7-yə qayıtmasına etiraz edib.
Bu barədə Kanada xarici işlər naziri Melani Joli onlayn brifinq zamanı məlumat yayıb.
“Rusiyanın G7-yə qaytarılması barədə söhbət düşəndə mən dərhal dedim: “Heç vaxt!”, – Joli qeyd edib.
XİN başçısı bu məsələni avropalı həmkarları ilə müzakirə etdiyini də vurğulayıb.
Xatırladaq ki, daha əvvəl ABŞ Prezidenti Donald Tramp Rusiyanın 2014-cü ildə G8-dən çıxarılmasının yanlış qərar olduğunu bildirib və onun yenidən birliyə qayıtmasına sevinəcəyini qeyd edib. Bu da bir sıra kanadalı siyasətçinin etirazına səbəb olub./Globalinfo.az
