İranın nümayəndə heyəti oktyabrın 15-də Lozannada keçiriləcək Suriya böhranı üzrə çoxtərəfli danışıqlara qatılacaq.

Bu barədə “Al Mayadeen” telekanalına İran XİN-dəki mənbə bildirib.

Onun sözlərinə görə, Misir və İraq danışıqlarda iştiraklarını təsdiq edəndən sonra İran görüşə qatılmağa qərar verib. İnformasiya hələ ki, öz rəsmi təsdiqini tapmayıb.

Bundan əvvəl “Tasnim” agentliyi hökumətdəki mənbəyə istinadən İranın Lozanna görüşündə iştirak etməyəcəyini bildirib. (APA)