İnsanlar Dəməşqin Əl-Mərcə meydanında “mülki vətəndaşlar və təhlükəsizlik qüvvələri arasında itkilər üçün yas tutmaq” üçün suriyalı fəallar və vətəndaş cəmiyyəti nümayəndələrinin təşkil etdiyi mitinqdə toplaşıb, 9 mart 2025.
İnsanlar Dəməşqin Əl-Mərcə meydanında “mülki vətəndaşlar və təhlükəsizlik qüvvələri arasında itkilər üçün yas tutmaq” üçün suriyalı fəallar və vətəndaş cəmiyyəti nümayəndələrinin təşkil etdiyi mitinqdə toplaşıb, 9 mart 2025.

ABŞ dövlət katibi Marko Rubio bazar günü Suriyada azlıqların “qırğınlarının” arxasında duran “radikal islamçı terrorçuları” qınayıb və ölkənin müvəqqəti hökumətindən buna görə məsulyyət daşıyan şəxsləri məsuliyyətə cəlb etməsini istəyib.

“ABŞ son günlər Suriyanın qərbində xarici cihadçılar da daxil olmaqla insanları qətlə yetirən radikal islamçı terrorçuları qınayır”, Rubio bildirib.

“ABŞ Suriyanın dini və etnik azlıqlarının, o cümlədən xristian, druz, ələvi və kürd icmalarının yanındadır və həlak olanlara və onların ailələrinə başsağlığı verir”, o bildirib.

“Suriyanın müvəqqəti hökumətinin rəsmiləri Suriyanın azlıq icmalarına qarşı bu qətliamları törədənləri məsuliyyətə cəlb etməlidir”, o qeyd edib.

Azlıqlara qarşı zorakılıqlar ələvi azlığından olan, hakimiyyətdən devrilmiş lider Bəşar Əsədə sadiq silahlı silahlı şəxslərin yeni təhlükəsizlik qüvvələrinə hücumundan sonra başlayıb.

Müharibənin monitorinqini aparan Suriya İnsan Haqları Müşahidə Qrupu daha sonra təhlükəsizlik qüvvələri və müttəfiq qrupların Latakiya və Tartus vilayətlərində ən azı 745 mülki ələvini öldürdüyünü bildirib.

Əsədin sürətlə hakimiyyətdən devrilməsinə rəhbərlik edən Heyət Təhrir Əş-Şam sünni islamçı qrupunun lideri, müvəqqəti prezident Əhməd Əl-Şaraa qətllərdən sonra milli birgə yaşayışa çağırıb.

Birləşmiş Ştatlar keçmiş prezident Co Bayden dövründə hakimiyyətə gəldikdən sonra Sharaa ilə əlaqə qurub, lakin daha böyük normallaşmanın azlıqların qorunması da daxil olmaqla yerinə yetirilən şərtlərdən asılı olacağını bildirmişdi.

O zaman prezident seçilmiş Donald Tramp həmin vaxt ABŞ-ın Suriyaya marağının az olduğunu və bundan kənarda qalmalı olduğunu demiş və daha əvvəl İslam Dövləti qrupuna qarşı mübarizə aparmaq üçün ABŞ qüvvələrinin ölkədən çıxarılmasından danışmışdı.

Tramp administrasiyası hakimiyyətə gəldikdən sonra Suriya ilə bağlı çox az açıqlama verib, lakin müharibədən əziyyət çəkən ölkədə mülki insanlara kömək edən qruplara yardımı kəskin şəkildə azaldıb.

Birləşmiş Ştatlar cümə axşamı Əsəd dövründə Suriyaya qarşı sanksiyaların yumşaldıldığını elan edən Britaniyaya qoşulmayıb.