İspaniyanın bir çox əyalətində son üç həftə ərzində yağan güclü yağış və tufanlara qarşı xəbərdarlıq edilib.
İqtisadiyyat.az xəbər verir ki, bu barədə İspaniya Meteorologiya İnstitutu məlumat yayıb.

Qeyd edilib ki, yağış və tufan nəticəsində iki nəfər həyatını itirib.

İspaniya Meteorologiya İnstitutu (AEMET) küləyin sürətinin saatda 140 kilometrə çatacağına dair xəbərdarlıq edib. Dalğanın hündürlüyünün 7 metrəni keçdiyi Qalisiya vilayətində güclü külək nəticəsində ağaclar aşıb, damların uçub, nəqliyyat vasitələri zədələnib. Fəlakət səbəbindən 2 nəfərin yaralandığı bildirilib.

Eyni zamanda qeyd edilib ki, Bilbao şəhərindəki “Loiu” hava limanında bir çox uçuş və reyslər ləğv edilib.

Bundan başqa, paytaxt Madriddə “Manzanares” çayının daşması riskinə qarşı bəzi yaşayış məntəqələrindən ən azı 400 nəfər təxliyə edilib.