Trampın keçdiyi tibbi müayinənin nəticələri açıqlandı: Sağlamdırmı?

13-04-2025, 11:44           
Trampın keçdiyi tibbi müayinənin nəticələri açıqlandı: Sağlamdırmı?
ABŞ Prezidenti Donald Tramp keçdiyi tibbi müayinənin nəticələrini açıqlayıb.

"Gazeta.ru"nun xəbərinə görə, bu barədə Tramp müayinədən sonra öz təyyarəsində jurnalistlərə açıqlamasında bəhs edib.

"Yaxşı ürək, yaxşı ruh. Çox yaxşı ürək", - deyə o qeyd edib.

O, həmçinin koqnitiv testdən də keçdiyini və bütün suallara düzgün cavab verdiyini nəzərə çatdırıb.

"Mən Baydendən fərqlənmək istəyirdim və koqnitiv testdən keçdim", - deyə Tramp bildirib.

Onun sözlərinə görə, bu, onun prezidentin vəzifələrini yerinə yetirməyə fiziki və mənəvi hazırlığını təsdiqləyir.

"Həkimlər mənə həyat tərzi dəyişiklikləri ilə bağlı bəzi məsləhətlər verdilər", - deyə o əlavə edib, lakin tövsiyələrin təfərrüatını açıqlamayıb.

Donald Tramp vurğulayıb ki, seçicilər prezidentin aydın düşünmək qabiliyyətinə arxayın olmaq istəyirlər.

"İnsanlar bilmək istəyirlər ki, onların prezidenti aydın düşünməyə qadirdir", - deyə o vurğulayıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru