"OpenAI" əməkdaşlarının səhmlərinin satışı 8 milyard dolları keçə bilər.

Valyuta.az xəbər verir ki, şirkət bu addımı bazardakı dəyərinin sürətli artımı fonunda atır.

Məlumata görə, səhmlərin satış potensialı birbaşa "OpenAI"ın bazar dəyərindəki yüksəlişlə bağlıdır. Şirkətin "Microsoft" ilə strateji tərəfdaşlığı və ChatGPT kimi məhsullarının qlobal miqyasda geniş qəbul görməsi investorların inamını artırır. Məsələyə yaxın mənbələr bu prosesi "OpenAI"ın maliyyə tarixində dönüş nöqtəsi kimi qiymətləndirirlər.

Səhmlərin bir hissəsinin əməkdaşlara likvidlik təmin etmək məqsədilə satışa çıxarıldığı bildirilir. Bununla yanaşı, investorların da "OpenAI"a marağının artdığı müşahidə olunur ki, bu da süni intellekt sektorunda rəqabətin maliyyə müstəvisinə keçdiyini göstərir.

Digər tərəfdən, bu proses "OpenAI"ın ilkin kütləvi təklif (IPO) planları barədə söz-söhbətləri yenidən gündəmə gətirib. Lakin şirkət rəsmiləri hələlik səhmlərin satışı ilə bağlı rəsmi açıqlama verməyib. Maliyyə dairələrinin hesablamalarına əsasən, "OpenAI"ın bazar dəyəri artıq 80 milyard dolları keçib.