Dünyanın müxtəlif ölkələrində tətbiq olunan qəribə qadağalar bəzən insanı təəccübləndirir, bəzən də gülməyə vadar edir. AzPost bildirir ki, Sinqapurda çeynənən saqqızın satışına tam qadağa var.

Avstraliyada isə avtobusda sərnişinlə danışmaq bəzi bölgələrdə qanunla qadağandır. Filippin hökuməti isə “yanlış xəbər paylaşanlara” qarşı belə sərt cəza tətbiq edir: təkrar hallarda internetə çıxış hüququ belə məhdudlaşdırıla bilər. Nepalda müəyyən saatlarda avtomobil siqnalı vermək qadağandır.

Amma ən maraqlısı Şimali Koreyadadır – orada saç düzümündən tutmuş toy mahnılarına qədər dövlət tərəfindən tənzimlənir. Yaponiya isə ictimai yerlərdə mobil telefonda danışmağı tərbiyəsizlik sayır, bu səbəbdən bəzi qatarlarda telefonlar tamamilə söndürülməlidir.

Norveçdə isə bəzi dini simvolları geyim üzərində nümayiş etdirmək qadağandır. Bütün bu qadağalar bir sualı gündəmə gətirir: hüquqla şəxsi həyat arasında sərhəd haradadır?