Cənubi Koreyanın Müdafiə Nazirliyi ABŞ hərbçilərinin ölkədən çıxarılması ilə bağlı danışıqların olmadığını bildirib.

Demokrat.az xəbər verir ki, bu bəyanat “Wall Street Journal” qəzetində Vaşinqton administrasiyasının Cənubi Koreyadan təqribən 4500 amerikalı hərbçini çıxarmağı nəzərdən keçirdiyi barədə xəbərə cavab olaraq verilib.

Amerika hərbi rəsmilərinə istinadən bildirilir ki, bəzi qüvvələrin Quam da daxil olmaqla Hind-Sakit okean bölgəsindəki digər bazalara köçürülməsi gündəmdədir.

Hazırda Cənubi Koreyada 28500 amerikalı əsgər xidmət edir. Cənubi Koreya Müdafiə Nazirliyi Şimali Koreyaya qarşı güclü müdafiə mövqeyini saxlamaq üçün ABŞ ilə əməkdaşlığı davam etdirəcəklərini vurğulayıb.