Yaponiya hökuməti öz səfirliklərində və diplomatik nümayəndəliklərində aşpazların maaşlarını artırmağı planlaşdırır.

Bu barədə "Kyodo" agentliyi məlumat yayıb.

Bildirilir ki, aşpazların maaşı gələn ilin yanvarından başlayaraq ildə 6 milyon yenaya (təxminən 71 min manat - red.) çatdırılacaq. Hazırda bu rəqəm ildə 4-4.5 milyon yenə (təxminən 48-54 min manat - red.) bərabərdir.

Agentlikdən verilən məlumata görə, aşpazlara səfirliklərdən kənarda kirayə mənzillərdə yaşamaq imkanı təklif olunacaq, onların da xərcləri hökumət tərəfindən qarşılanacaq.

Xarici nümayəndəliklərdə aşpazların iş şəraitinin yaxşılaşdırılması qərarı yapon mətbəxinin xaricdə artan populyarlığı fonunda qəbul edilib.