Efiopiyanın altında ərimiş mantiya axınları Yerin dərinliklərindən ritmik şəkildə yüksəlir.

Demokrat.az xəbər verir ki, bunu Böyük Britaniyanın Sauthempton Universitetinin alimləri aşkar ediblər.

Ürək döyüntüsünə bənzər bu nəbzlər tədricən Afrika qitəsini parçalayır və yeni okean əmələ gətirir.

İş Nature Geoscience (NG) jurnalında dərc olunub.

Efiopiya yarığı, Qırmızı dəniz yarığı və Ədən körfəzində üç tektonik qırılma eyni anda birləşir.

Bölgədə toplanmış 130-dan çox vulkanik süxur nümunəsinin təhlili, seysmoloji məlumatlar və kompüter modelləşdirməsi alimlərin fikrinin doğruluğunu göstərir.

Alimlərin fikrincə, milyonlarla ildən sonra hazırkı çat tam hüquqlu okeana çevriləcək.