Rusiya prezidenti Vladimir Putin Çeçenistan rəhbərinin oğlu, Çeçenistan Respublikası Təhlükəsizlik Şurasının katibi vəzifəsini tutan Adəm Kadırovla qeyri-rəsmi görüş keçirib.


Bu barədə Çeçenistanın milli siyasət naziri Əhməd Dudayev Telegram kanalında məlumat verib.

Onun sözlərinə görə, görüş Moskvada baş tutub. 

Putin qeyd edib ki, Kadırov gənc yaşına baxmayaraq, güclü xarakterə və xalqına sədaqətə malik, məsuliyyətli və nizam-intizamlı lider olduğunu sübut edib.

Prezident həmçinin Adəmi qarşıdan gələn toyu münasibətilə təbrik edib, ailə həyatında xoşbəxtlik arzulayıb.

İyunun 27-də azyaşlı Adəm Kadırovun ailə qurmağa hazırlaşdığı məlum olub. Mərasim onun valideynlərinin evində baş tutacaq. Gəlinin adı Mednidir, o, Kadırovlar ailəsi ilə eyni kənddəndir. Digər təfərrüatlar açıqlanmır.
SAVASHMEDİA.az