Yanvarın 14-də ABŞ-ın təxminən 50 şəhərində yeni seçilmiş prezident Donald Trampın qeyri qanuni miqrasiyaya nəzarətin sərtləşdirilməsi planına qarşı kütləvi etiraz aksiyaları keçiriləcək.

“Hərəkət günü” bütün ölkə ərazisində – Nyu-York və Mayamidən (Florida ştatı) Los Anceles (Kaliforniya ştatı) və Finiksədək (Arizona ştatı) təşkil olunacaq.

Məlumata görə, aksiyalara, əsasən, Meksika əsilli sakinlər, hüquq müdafiə və dini təşkilatların nümayəndələri qatılacaq. (APA)