NASA-nın Marsda lentə aldığı fotolarda alim-ufoloqlar şüurlu həyatın əlamətlərinə rast gəlib.

Axar.az “İnforming”ə istinadən xəbər verir ki, ufoloqlar fotolarda iki canlı varlığın, kosmik gəmilərin və yaşayış evlərinin olduğunu ortaya çıxarıb. Mütəxəssislər Qırmızı Planet ərazisində pəncərələrinin belə aydın göründüyü yaşayış binasını üzə çıxarıb.

Evlərdən çox da uzaq olmayan bir məsafədə ufoloqlar kosmik gəmiyə bənzər bir obyekt görüb. İddialara görə, hətta fotolarda yerli əhali olduğu guman edilən iki canlı məxluqun başı da görünür.

Ufoloqlar NASA-nın çəkdiyi ağ-qara fotolarda sözügedən elementlərin aşkar edilməsinin çətin olduğuna görə fotoya rənglər qatıb.

Bu kəşf alimlərin Marsda şüurlu sivilizasiyanın olduğu haqda mövcud olan nəzəriyyələrini təsdiqləməyə kömək edir.