Almaniya kansleri Angela Merkel Türkiyəyə rəsmi səfər edəcək.

Axar.az xəbər verir ki, bu barədə Türkiyə mətbuatı diplomatik mənbələrə istinadən məlumat yayıb.

Məlumata görə, Merkelin səfəri fevral ayının ilk həftəsinə planlaşdırılır.

Səfəri gündəmində miqrant probleminin həlli, regional problemlər, terrorla mübarizədə əməkdaşlıq və iqtisadi məsələlər olacaq.

Alman kanslerin Türkiyə Baş naziri Binali Yıldırım və Prezident Rəcəb Tayyib Ərdoğanla görüşü nəzərdə tutulur.