Əfqanıstan və ABŞ hərbçilərinin keçirdiyi birgə əməliyyat nəticəsində İŞİD terror qruplaşmasının Əfqanıstandakı lideri Abdul Xasib məhv edilib.

APA-nın Reuters agentliyinə istinadən verdiyi xəbərə görə, bunu ABŞ ordusunun Əfqanıstandakı komandanı, general Con Nikolson bəyan edib.

“Bu uğurlu əməliyyat İŞİD-in məhvi yolunda növbəti addımdır”, deyə C.Nikolson qeyd edib.

Bundan əvvəl İŞİD liderinin məhv edildiyini Əfqanıstan prezidenti Əşrəf Qəni bəyan etmişdi.