Ötən əsrin ortalarında bəşəriyyətin taleyi ilə bağlı səsləndirdiyi bir çox proqnozları doğru çıxan məşhur görücü Vanqanın gələcəklə bağlı verdiyi proqnozlar barəsində çox yazmışıq. Bu proqnozlar Vanqa haqqında yazılan “Kor kahin Vanqa” və xarici portallardakı məqalələrdən götürülüb. Yəni, beynimizin, təxəyyülümüzün məhsulu deyil. Ola da bilməz!

Moderator.az bu dəfə Vanqanın proqnozunu deyil, öz zamanında baş verən müəmmali hadisəni təqdim edir. Əslində, bu da proqnozdur. Çünki həmin müəmmalı hadisə gələcək illər üçün nəzərdə tutulub. Bu, insanların yadplanetlilərlə bir yerdə yaşama ehtimalıdır. Bəşəriyyətin gələcəyi ilə bağlı bir çox proqnozlar irəli sürən məşhur Vanqa insanlarla fəzalıların bir yerdə yaşaya bilmə ehtimalları da söyləyib. Vanqa proqnozlarının birində 4599 insanın ölümsüzlüyə düçar olunaraq başqa planetlərə aparılacağını və 100 ildən sonra yenidən Yer üzünə qaytarılacağını da söyləyib. Bəşəriyyətin gələcəyi ilə bağlı deyilən ən dəhşətli proqnozlardan sayılan bu iddiaya görə, həmin insanlar fəzalılarla bir araya gələrək yeni bir irq yaradacaqlar.