Qətər öz sülhməramlı qüvvələrini çıxardıqdan sonra Eritreya Cibuti ilə sərhəddə yerləşən mübahisəli ərazini ələ keçirib.

SalamNews-un xəbərinə görə, bu barədə “Reuters” agentliyinə Cibutinin xarici işlər naziri Mahmud Əli Yusif məlumat verib.

“Qətər sülhməramlıları 12-13 iyunda geri çağırılıblar. Elə həmin gün Eritreya hərbçiləri irəliləyiblər. Onlar hazırda Dumeyra dağı və Dumeyra adasına tam nəzarət edirlər.”, - nazir bildirib.

Bundan əvvəl Qətərin XİN rəhbəri KİV-də ölkənin 2008-ci ildən yerləşdirilmiş sülhməramlı qüvvələrini Cibuti və Eritreya sərhədindən geri çağırdığı barədə yayılan məlumatın həqiqiliyini təsdiqləyib.

Bildirək ki, Cibuti və Eritreya arasında ərazi münaqişəsi 2008-ci ildə yaranıb. Tərəflər 2010-cu ildə Qətərin paytaxtı Dohada sülh barədə saziş imzalayıblar.