Rusiya hökuməti Ermənistanla birləşmiş qoşun qrupu haqqında sazişi təsdiqləyərək, ratifikasiyaya çıxarılması üçün ölkə prezidentinə yollayıb. Sözügedən sənəd rəsmi hüquqi məlumat internet-portalında dərc edilib.

Bu barədə SalamNews TASS-a istinadla xəbər verir.

“Rusiya və Ermənistan Kollektiv Təhlükəsizlik Müqaviləsi Təşkilatının ona üzv olan dövlətlərin təhlükəsizliyinin qarantı kimi rolunu möhkəmləndirəcək, onun çağırışlar və təhlükəsizliyə təhdidlərə qarşı fəaliyyət üzrə beynəlxalq səylərə verdiyi töhfənin artırılmasına yardımçı olacaq. Bu kontekstdə Ermənistan və Rusiya silahlı qüvvələri birləşmiş qoşun qrupunun yaradılması böyük əhəmiyyət kəsb edir.", - bəyanatda söylənilir.

Sözügedən saziş 2016-cı il noyabrın 30-da Moskvada imzalanıb.

Martın 15-də Rusiya və Ermənistan prezidentləri Vladimir Putin ilə Serj Sarqsyan Kremldə keçirilən danışıqların nəticəsi üzrə yaradılan iki ölkənin birləşmiş qoşun qrupunu yüksək dəyərləndiriblər.