“Əl-Qaidə” ilə əlaqəli “İslam və müsəlmanlara dəstək” qruplaşması Malidə turist düşərgəsinə edilən hücuma görə məsuliyyəti öz üzərinə götürüb

APA-nın RİA Novosti agentliyinə istinadən verdiyi xəbərə görə, ötən gün Malinin paytaxtı Bamakoda bir qrup silahlı turist düşərgəsinə hücum edib, dinc insanları girov götürmüşdü.

Həyata keçirilən xüsusi əməliyyat nəticəsində 4 silahlı məhv edilmiş, 36 nəfər, o cümlədən 13 Fransa vətəndaşı girovluqdan azad edilmişdi.

Son məlumata əsasən, hadisə nəticəsində 4 mülki şəxs və bir hərbçi ölüb.