Suriyada hökumət qüvvələri Rusiya ordusu ilə birliktə böyük bir terrorçu qrupunu mühasirəyə alıb.

Axar.az xəbər verir ki, Xama əyalətində aparılan əməliyyatlar barəsində Rusiya Müdafiə Nazirliyindən informasiya verilib.

Hökumət qüvvələri ruslarla bir yerdə mühüm məntəqələri ələ keçirdikdən sonra terrorçuların sonuncu silah və təchizat təminatı marşrutu növbəti hədəf kimi seçilib. Terrorçular kiçik qruplar halında mühasirə həlqəsini yararaq Deyr əz-Zor istiqamətində qaçmağa çalışsa da, Rusiya qoşunlarının 24 saat ərzində havadan kəşfiyyat aparması onların hərəkətinə əngəl olub.

Qeyd edək ki, Rusiya ordusunun dəstəyi ilə Suriyada hökumət qüvvələri terrorçu mövqelərinə ağır zərbələr endirir.