Meksikanın Herrero ştatında quldurlar hərbi forma geyinərək hərbçilərə hücum ediblər.
"Report" xarici mətbuata istinadən xəbər verir ki, bu barədə Herrero ştatının təhlükəsizliyin əlaqələndirilməsi üzrə qrupunun rəhbəri Roberto Alvares Eredi məlumat yayıb.
Məlumata görə, hadisə Teloloapan bələdiyyəsində, gecə, patrul xidməti zamanı baş verib. Əsgərlər quldurlara atəş açıblar.
Atışma zamanı 8 quldur öldürülüb. Həmçinin bir hərbi qulluqçu da ağır xəsarət alıb. O, sonradan ölüb.
"Hadisə yerindən iki hərbi rəngdə rənglənmiş avtomobil, silah və hərbi forma götürülüb", - deyə Eredi "facebook"da yazıb.