ABŞ aviasiyasının Əfqanıstanda səhvən endirdiyi hava zərbəsi nəticəsində ölən və yaralananlar var.

APA-nın “RT”-yə istinadən verdiyi xəbərə görə, insident Pentaqon rəhbəri Ceyms Mettisin Əfqanıstana səfəri zamanı baş verib.

Əfqanıstanın paytaxtı Kabil hava limanının ərazisi raket atəşinə məruz qalıb. Aeroport ərazisinə 30-dək mərmi düşüb. Bundan sonra ABŞ aviasiyası silahlıların mövqeyinə hava zərbəsi endirib. Mərmilərdən biri səhvən mülki şəxslərin olduğu əraziyə düşüb. NATO-nun Əfqanıstandakı missiyası faktı təsdiqləyib.

Qeyd edək ki, bundan əvvəl Əfqanıstanın paytaxtı Kabildə hava limanı ərazisinin raket atəşinə tutulduğu, nəticədə 1 nəfərin öldüyü, 5 nəfərin yaralandığı barədə məlumat yayılıb.