Deyr əz-Zorda İŞİD-ə qarşı əməliyyatlar zamanı minaya düşmüş general dünyasını dəyişib.

Suriyanın ordusunun tanınmış generalı İssam Zəhrəddin Deyr əz-Zor əyalətində İŞİD-ə qarşı əməliyyatlar zamanı həlak olub.

İslamazeri.com "AlmasdarNews"-a istinadla xəbər verir ki, bu barədə hərbi mənbə bildirib.

Məlumata görə, generalın olduğu hərbi avtomobil Səqr adasında İŞİD-in yerləşdirdiyi minaya düşüb. Bildirək ki, general mayor İssam Zəhrəddin Suriya Silahlı Qüvvələrinin Respublika Qvardiyasının 104-cü hərbi hava briqadasının komandiri olub. O, mühasirə vəziyyətində, həmçinin hücum əməliyyatlarında İŞİD-ə qarşı rəşadətlə vuruşub.

56 yaşlı general Zəhrəddin Suriyanın Tərba rayonunun Suveyda kəndində anadan olub.