Sloveniyada keçirilən prezident seçkilərinin birinci turunda qalib müəyyən edilməyib.

APA-nın məlumatına görə, bu barədə “Slovenska Tiskovna” agentliyi xəbər verib.

Səslərin 95 faizinin hesablanmasından sonra hazırkı dövlət başçısı Borut Paxar 47,3%, onun əsas rəqibi Maryan Şarets 24,8% səs toplayıb.

Ekzit-pollar dövlət başçısının böyük üstünlüklə qələbə qazandığını göstərsə də, B.Paxar 50%-lıq həddi keçə bilməyib. Ölkə qanunvericiliyinə əsasən prezidentliyə namizəd qələbə üçün birinci turda 50% üstəgəl bir səs toplamalıdır. Seçkilərin ikinci turu noyabrın 12-də keçiriləcək.

***

21:54

Sloveniyanın hazırkı dövlət başçısı Borut Paxar ölkədə keçirilən növbəti prezident seçkilərində qalib gəlib.

APA-nın RİA Novosti agentliyinə istinadən verdiyi xəbərə görə, ilkin nəticələrə əsasən, 53 yaşlı B.Paxor 56,2% səs toplayıb. Onun ən yaxın izləyicisi Kamnik şəhərinin meri Maryan Şarets 22,5% səs toplayıb.

Ölkə qanunvericiliyinə əsasən prezidentliyə namizəd qələbə üçün birinci turda 50% üstəgəl bir səs toplamalıdır. Seçkilərdə 9 namizəd iştirak edib. Sloveniyada prezident 5 il müddətinə seçilir.