FaktXəbər-in verdiyi məlumata görə, Ukraynanın Miqrasiya Xidməti Odessanın sabiq qubernatoru Mixail Saakaşviliyə qaçqın statusu verməkdən imtina edib. Bu barədə "İnterfaks" agentliyi məlumat yayıb.

"Bizdə yeni xəbər var. Mən əvvəllər bəyan etmişdim ki, Saakaşvilini deportasiya və ya ekstradisiya etmək mümkün deyil. Çünki həmin vaxt onun müəyyən statusu var idi. Hazırda Dövlət Miqrasiya Xidməti onun qaçqın statusu almaqla bağlı ərizəsinə rədd cavabı verib",-deyə Ukraynanın baş prokuroru Yuri Lutsenko bildirib.

Onun sözlərinə görə, Saakaşvili qərara etiraz etmək üçün məhkəməyə müraciət etməyib: "Bununla da Saakaşvilinin deporatsiya və ekstradisiyasına mane olacaq xüsusi bir səbəb qalmayıb".