ABŞ Senatı Nümayəndələr Palatasının ardınca “İrma”, “Harvi” və “Mariya” qasırğaları, habelə Kaliforniya və digər ştatlarda yanğınlar nəticəsində ziyan çəkmiş insanlara yardım məqsədi ilə 36 mlrd. dolların ayrılmasını nəzərdə tutan qanun layihəsini dəstəkləyib.

APA-nın “RİA Novosti”yə istinadən verdiyi xəbərə görə, vəsaitlərin 18,7 mlrd. dolları Fövqəladə Hallar üzrə Federal Agentliyinə (FEMA), 16 mlrd. dolları daşqınlar üzrə sığorta ödənişlərinin maliyyələşdirilməsinə, 577 mln. dolları yanğınlarla mübarizənin gücləndirilməsinə və 1,27 mlrd. dolları “Mariya” qasırğasından ziyan çəkmiş Puerto Rikoya ərzaq yardımına yönəldiləcək.

Qanun layihəsi təsdiqlənməsi üçün prezident Donald Trampa təqdim ediləcək.