Böyük Britaniyada güclü qar yağıb, ölkənin bir sıra regionlarında hava və dəmiryol nəqliyyatının hərəkəti iflic olub.

APA-nın RİA Novosti agentliyinə istinadən verdiyi xəbərə görə, Uelsin bir neçə rayonunda qarın hündürlüyü 17-30 sm-ə çatıb. Yağan qar Londonun Hitrou hava limanında aviareyslərin təxirə salınması və yaxud ləğvinə səbəb olub.

Britaniyanın bir çox regionunda güclü qar nəticəsində minlərlə ev işıqsız qalıb. Bir çox şəhərlərdə məktəblərin fəaliyyəti müvəqqəti olaraq dayandırılıb.