Rumıniyanın paytaxtı Buxarest şəhərində ölkənin keçmiş kralı I Mixayın dəfni mərasimi keçirilib.

"Report" xəbər verir ki, bu barədə "BBC" məlumat yayıb.

Məlumatda bildirilir ki, o, 97 yaşında vəfat edib. Avropanın bəzi ölkələrinin kralları, İspaniyanın sabiq kralı I Xuan Karlos və Brtianiya şahzadəsi Çarlz da daxil olmaqla sabiq monarxla vidalaşmaq üçün Rumıniyaya gəliblər.

I Mixay İsveçrədəki iqamətgahında 97 yaşında vəfat edib. Ötən ilin martında ona onkoloji xəstəlik diaqnozu qoyulub.

I Mixay Rumıniyaya iki dəfə - 1927-ci ildən 1930-cu ilə qədər, həmçinin 1940-cı ildən 1947-ci ilə qədər rəhbərlik edib. O, ikinci hakimiyyəti dövründə ölkəni Hitler koalisiyasından çıxarıb.