KFC şöbələrində toyuq əti qalmadığı üçün qəzetlərə elan verərək müştərilərindən üzr istəyib.

“Tendensiya.com” xarici mətbuata istinadən xəbər verir ki, şirkət üzrxahlıq elanında toyuq paketlərinin şəklindən istifadə edərək üzərində “bacarmadıq” mənasını verən “FCK” qısaltmasından istifadə edib:

“Toyuqsuz bir toyuq restoranı ideal deyil. Müştərilərimizdən üzr istəyirik”.

Restoranlar zəncirinin sahibi Yum Brands daşıma şirkətlərini dəyişdirdikləri üçün bu problemlə qarşılaşdıqlarını bildirib.

Qeyd edək ki, ötən həftə dünyanın ən məşhur restoranlar şəbəkəsi olan KFC-nin Böyük Britaniyadakı 900 şöbəsindən 800-ü toyuq olmadığı üçün bağlanmışdı.