Polşanın Poznan şəhərində yaşayış binasının uçması nəticəsində ölənlərin sayı 4 nəfərə çatıb.



APA-nın “tvn24.pl” saytına istinadən verdiyi məlumata əsasən, xilasedicilər dağıntılar altından daha bir nəfərin meyitini aşkarlayıblar.



Bundan əvvəl hadisə nəticəsində 3 nəfərin öldüyü, 21 nəfərin yaralandığı bildirilirdi. Hazırda hadisə yerində xilasedici əməliyyat davam etdirilir. Dördmərtəbəli yaşayış binasında partlayışa səbəb qaz sızması olub.



***



18:00



Bu gün Polşanın Poznan şəhərində qaz sızması nəticəsində dörd mərtəbəli yaşayış binasında partlayış olub, bina uçub.



APA-nın "RİA Novosti" agentliyinə istinadən verdiyi məlumata görə, Polşa Dövlət Yanğın Xidməti binanın uçması nəticəsində 3 nəfərin öldüyü, 21 nəfərin yaralandığını açıqlayıb.



Yaralılardan 3-nün durumu ağırdır. Onların arasında uşaq da var.



Dağıntılar altında insanların qalması ehtimal ilə əlaqədar hazırda xilasetmə əməliyyatı aparılır